لكم بمحبة ..
،
،
صاحبك من عرفته .. توّه يبلّ ريقه
كان ودّك تبلل ظامي الحرف ، شفني
،
في سنيني جذوعٍ مثل طيبك عتيقة
اشعل اللي توّده ، عطّر اللي عرفني
،
مرّت ايام عمري بين فرحه و ضيقة
الحزن جرّ صوتي ، و السعد ما عزفني
،
عشت و الحظ يجبرني على اللي مـَ اْطيقه
و ان لقاني على سفح البلاوي .. حذفني
،
بين صمتي و صبري و الجروح العميقة
شفت جَهدي على بعض المخاليق .. مفني
،
كيف بحبس شعوري و الحسايف طليقة ؟
و كيف بوقف مع اللي مـَ اخبر قد نصفني ؟
،
و ليه متني يشيل حمول متنٍ يعيقه ؟
و ليه ازرع شبابي و اجني خيوط كفني ؟
،
لهّني ،، قدّ ما تقدر ،، بأية طريقة
و غطّني عن برود الردّ ، لا يلتحفني
،
و ان غفى طـْرف جرحي ، لا تحاول تفيقه
من تخطّف عيوني ؟ ساكنٍ وْسط جفني !
،
و ان بغيت الحقيقة زي ما هي حقيقة :
اعرف النااااس فيني .. للأسف ما عرفني
،
،
،