( من الرمضاء الغمام)
قلت: جمْر وْقالتَ: الرمضاء منَ اشعارك غمام
__________________ قلت: صبْر: وْقالتَ عْيونك أشوف بْها مكاني
يا حبــيـبـة قـــلبـــيَ وْطيــفـك يزاحـمـْــنـي المـنام
_______________من سرَق من تــحْـــت ريش وْسادتي كل الامــاني؟!
راح كل الليل ما عادت سوى جْراحي قيام
_______________ مختـنق صوتي ولا مَن يذرف دْموعــــه عــشـــاني
لا مــــداد ولا شعـــورٍ أكتبه... كلي حطام
_________________ من هو يحرّر مارد الاشعار من طارف بناني؟!
احترق نصفي وْرمـادي اللي تبقَّى مْـــن العـــظام
_____________نصـفي الـثـاني ذراه وْمـــــا حـكــــــــى إنــَّـه يـــــعــانــــي
كــنّ هذي الأرض صحراء... كنّ أحلامي حمام
______________في مــدى خــداع مــــا به غصن أو نـاي وأغــــــاني
ما ورى الصحراء سوى حادي يغنَّي في الــظلام
______________يغرس الـرملـه قصـــيده.. يوم حسَّ العمْـر فـانـــي
شبّ في جـرح السنين وفاحت عْطور وْخزام
______________ وجيتي انتي نفس عطرك.. بسّ وجهك وجـه ثاني
شـاحبه، وجـله، حزينه، لا سلام ولا كلام
________________ غـير نظرة عاتبه ودْمــــوع هــــزّت لي كيـــــاني
رجَّعتــني للزمان اللي كـبرْنا به وشام
________________ شفــت ما حولي ســواي ومحبره، وْشيبٍ غزاني
ما بقى غير القصيد وْظلّ ناحل، وانهزام
________________ وقلب " للساعة " يحبك، فيك " للساعة" أناني
هذَا انا لك.. شاعرٍ أعْصر منِ الرمضاء الغـمام
_______________صحْت: وعْيوني مكانك، قلتي: مدري عن مكاني
شعر: عبدالعزيز العميري