[صالح العرجان]

المشاركة الأصلية كتبت بواسطة عطش

’*



على بابي كثر ما تمرّ من بعد البطا وتعود
............. تأكّد ما يعادل كثر وقفاتي على بابك

ينادي هالضما فيني متى غيمك علي يجود
............. متى تروي خفوقٍ كثر ما هو يموت .. يحيابك

فقدتك لين ما اللي صرت أنا في داخلي مفقود
.............مثل هاك الزّمان اللي فقدني يوم قفّى بك

أمنّي نفسي بلحظة حبيبي وصلك الموعود
............. ولكن غيبتك طالت ولا أدري وشهي أسبابك

حبيبي للجفا وإن طال في قلب المُحبّ حدود
............. وأنا ادري آخر حدود الجفا .. قلبك إذا جابك

وأنا أدري ما تخون الود لكن وشهو المقصود
............. بيوم إنّك تجافينا ولا تسأل عن أحبابك

كثر ما أحنّ لك والله أحبك والليالي شهود
............. وكثر ما اشتاق لك صدق ترى يجرحني غيابك

حبيبي للوصال إن كان عنّي بابكم موصود
. ............. خسارة يا حبيب الروح وقفاتي على بابك ..!

بداء ملام / عتاب دافيء
أسهب إهتمام / للمتبقي منه

قصيدة

تحكي بهدوء بالغ

لتصل للقلب وتستوطن الوجدان

دام رقي حرفك