تبي الفراشات .. تنقهر !!
تبي المسافات .. تنصهر !!
تبيني اغلق حبك ..هذااااااا ؟
وافتح حبك .. من جديد
ونرجع للمبطي ………… البعيد
يوم الليالي جسر
والفجر ساعي بريد
لااول.. لقى لينا
لاآخر.. شقى فينا
يوم الشفق يضحك ..
والدجى مسرور
والكون يرقص رقصة المنصور
وكل مافينا .. يصافحنا
ويهنينا ..
كنا روح وحده ..متجسده بااثنين
كنا اكثر .. اهتمام
كانت امانينا جسام
نمنح بعضنا لبعضنا
ومن كرمنا .. نعفي عن حزنٍ ضلمنا
كان بالشرفه ..حمام
والوله بدره تمام
كانت الحسره .. معا صوتك تنام
وحلمنا اطول .. من البسمه سنام
ونشكر الله كنا
ونحمد الشتات ..اللي جمعنا
كانت الآه سيل ..
وقلوبنا .. وادي
كنا مانقبل .. العادي
وبابنا الريحان
وكفوفنا الكادي
والحين ..
تحس انّا ..تشبعنا !!
وصلنا لااخر.. نهايات الآه
وانتهينا بالوصول ..
واي شي ينهيه الحصول
واسئلتنا اللي كانت مبهرتنا
ماتت في لحظة ذهول
اسف في لحظة حلول
.
،
حمدان ..