انت ماتصلح الاّ تنحب
وانا مااصلح الاّ احب
وماقدرت الاّ احبك
وماقدرت الاّ اشبّك
في ضلوعي الحدب
بالله قلّي
كيف تبغاني اصد
بالله قلّي
كيف ابتعد عنّك واشدّ
وانا بالعشق صادق
وانا والله امين
انا يشعلني الحنين
وتطعني الفرقى انين
انا بحجم ماقلته حزين
ارجوك انا مااستطيع
انت كأنك تطلب منّي
اشيل الكون كله
فوق ظهري واغنّي
لاتطالبني بشي يعسرني
ويعثرّني
يطحنّي ويلعنّي
ويطيحني
ويطرحني أرض
ويعتم لي سماي
ويقطع المي عنّي
اكيد ماترضى اموت
ياسر ّ الصمت انت
وياآسر الصوت انت
وانا بالله قلي
كيف تبغاني اذبل
كيف تبغاني اقبل
وكل شي منّك يهز كل جذع منّي
.
.
حمدان روسان