السلام عليكم ورحمة الله وبركاته
مصافحة اولى اصافح بها قلوبكم في هذا الصرح الشامخ والمنبر الرفيع
اتمنى ان تلقى استحسانكم
.
.
.
من منطلق: كل بذره تنتظر للسحاب
__ يصافح احساسها، وتشرّف السنبله
شوفي؛ جلبت الثريا لاجل عين الجناب
__ كله عشانك أعيشك حلم واستقبله
وصلتك فـ "بال" ! آماله بفزّة جواب
__ من يوم طاحت على جدول زَعَلْك أسئله
من غيرك اللي زرع حبه بروحي وجاب؟
__ ربد المغاني تحلّق في فضا المعضله
ومن غيرك اللي وقف في ناصية هالعتاب؟
__ وتْكسّرت له من الأرتاب.. كم سلسله
لدّي لي الشوف بستفهم عيونك رحاب
__ اخذيني لـ قارعة رمشك أبي أنزله
محتاجك لبوح من بعدك كساه الحجاب
__ محتاجك لقلب من فقدك بكوه أهِلِه
حتى القصايد على قربك دعاها السراب
__ كم رتّلت حزنها للبيد والأخيله
ردّي، صدى نبضها المفعم بروح الصواب
__ واستبدلي كل رحله عنْك بأوثق صله
أنا أكثر انسان يجتاحه حنين الغياب
__ لا مرّت بساحة الذكرى "ربيبة وله"
:
