انامريت من.هذا. الطريق.. الشايك المجهول
قبل. عشرين..واكثر..من سنين. العمر..مريته
لقيت ان التعب اكبر من التوصيف والمعقول
وصلت..ولا وصل غير الشموخ اللي. تبنيته
ولاينزل قدر من هو.. تعلى..وساعده. مفتول
وفي .ناس ٍ.. تفاخربه ..لأنه ...ذايع ٍ...صيته
وسيف ٍيحمله فارس بوجه المعتدي مسلول
جدير ٍ بالثقه عند المواقف يوم سليته
عرفت ان الأمل والعلم جسرٍ للعلا موصول
كثير التجربة يبرز حسب جهده وتوقيته
يصعد من بغى القمه بعزم الواثق المسئول
حمل همه مثل هم ٍ مع الايام عانيته
ترى من يرفع البنيان يثبت. ساسه. المعمول
ولا يترك .طموحه من..سعى. للمجد. .هنيته
عسى ذيك المباني.مايجيها .عارض ٍ.وتزول
عقب ذاك العلو.. تصبح ..خراب ٍ ..ماتمنيته
محمد الثوعي