بين ذنبي وبين المغفره
اقترب خطوه ارجع خطوتين
راح نصف العمر راح أكثره
من يرجع سنيني يا سنين
صاحبي , والورق والمحبره
تدخلك في متاهات وحنين
اغتنم كل صرخة حنجره
راس مالك صراخ وكلمتين
ما بقى ليل في الليل اسهره
السهر منخلق للعاشقين
السهر ينكر اللي ينكره
عدني من جموع المنكرين
شخص أنهى حكاية دفتره
واتجه صوب جمع الصامتين
لو رموك الملا بالثرثره
مد لمصافح الصمت اليمين
ما بعد أربعينك معذره
كيف مابعد خمسه واربعين
الصبر في المواجع أظهره
وانت لولا المواجع انت مين ؟