بعد نامت على الطرف الحنون وماتت الكلمات
انا كنت احسب العبرات غيث الحب وامطاره
انا كنت احسب العبرات حاجة تنكتب ببيات
انا شفت القلم عاجز يدونها على اشعاره
عرفت ان الدموع احيان كلمة تكتم الأصوات
عرفت ان الكلام احيان ما يكفي بمقداره
اشوفك اول الاحياء والعالم من الأموات
تدومين وبقى طيفك يطوف ويسكن بداره
تقولين الوطن قلبك اقول الا من اللوعات
انا ماودي اشياء الضمير تقول شخباره
واذا مزعجك يا امي صياح القلب بالنبضات
ابي ارفع اذان الصبح وصلي داخل اسواره
وانا بتبسم اتبسم اخاف تمرك الاهات
بحاول قد ما اقدر شعور الحزن ماختاره
واذا عجز الشعور انه يساعدني على الي فات
بغمض واذكر عيونك وارد الضيق واخطاره