السلام عليكم ورحمة الله وبركاته ..🌹
.
لا شفت صدرك ضاق .. ما يقدر يْبوح !
---------------------- للشعر وإلا لدمع عينك .. تولّم
الشعر يستر صدرك ويبعد الشوح
---------------------- بالموقف اللي فيه صوتك تبلّم
والدمع لامن طاح من عينك يبوح
---------------------- في كل شي الدمع لا طاح علّم !
الله من حلم انولد فيك مذبوح
---------------------- والله من حِلم إن طلع منك ظلّم
أصعب من إنك تلزم الصمت وتروح
---------------------- إنك تروح .. وفيك جرح ايتكلّم !
بعض المواقف تشبه الـ طلعة الروح !
---------------------- من عظمها .. غصب إن طرت لك تألم !
اجروح تنساه مع الوقت .. وجروح ..!!
---------------------- بالليل فيها وأنت نايم .. تحلّم !
ناصر حطاب الدهمشي
.