في ذمتي مالك علينا مشاريه
ياللي تعاتبنا على غير مصلوح
الطيب من شخصك بعيده محاريه
لو كل ليله جيت زاير ومشفوح
درب المراجل كايدات ٍ مساريه
ما يعّبره رجل ٍ بلا عزم وطموح
من قدّر الاصحاب سمحه مواريه
مايقبل الهزله عزيز ٍ وممدوح
اللي صدق معنا ترانا نداريه
هذا مكانه بين الاضلاع بالروح
شخص ٍ تردا بالخطأ مانجاريه
لو كان قلب اللي يحاكيه مجروح
شفنا نسولف معك هرجك نباريه
ليتك تعد الحق ونقول مسموح
محمد_الثوعي