مــع صــباح الخير شمسك وزعت قبلة سناك
هــذي طــلاتك جميلة حتى في عين الزهور
مــوحش الــديجور طبعه موجع بليلة سماك
والــنجوم بــخوف تحلف عاشته عتمة قبور
مــن وقــد شــمعة بشمعة طال همه في لقاك
لا تــشح لــو بــت لــيلك في محطات العبور
الــبحر بــندر مــراكب والــمراكب فــي رجاك
أنــت مــو ذنــب المواني لو تهاجرها الطيور
(ســندباد الــشعر )ســافر وين ما تبغي معاك
أتــغرب شــعر لــكن ســجل إغــيابي حضور
مــركبك يــمخر عــباب الــيم بالجلمود صاك
كــل أســاطيرك غــريبة لي تأرخها السطور!!
الــبــحر لــو زمــجر بــموجه يــوردنا الــهلاك
حــكمة الله كــيف وده عــاد غــبات الــبحور
(ســندباد الشعر) ربي الطهر حطه فجذر راك
ولا دريــنا لــيش جذر الراك ما بين الجذور!!
أنـــت وأنــا يــنتظرنا ســاحل الــغربة هــناك
والــعواصف عــن وصــلنا لين هالــفترة تدور
بــيني وبــينك شــراعٍ مــتعته لــحظة عراك
كــل مــا يــطمي بــحرنا نشعر بلحظة سرور
(ســندباد الــشعر) أشعر رحلتي تشبه صفاك
كــلما عــدت لــمكانك تــحمل أطياب البخور
مــرحبا بــك مــرحبا بــك والــوفاء كله وفاك
من بحر (حاسك) هلا بك لين ترسي (بر صور)
أحمد المعمري فلك