سلام ٍ من ضمير ٍ مخلص ٍ مايقبل التأخير
على كل الوفود الحاضره في حفلة الاجواد
حضوري واجب ٍ من باب رد الطيب والتقدير
دعاني من علومه وافيه من يكسب الامجاد
حقوق الخلق ماتخفى على من يحسن التدبير
علوم ٍ ماجهلها غير من قصّر مع الاشهاد
رفيق ٍ ثابت ٍ فعله يفوق الوصف والتعبير
رفيع الخلق مايعرف دروب الغدر والاحقاد
الا يابو مشاري لك..نسوق. القاف يابن الخير
بحر فالشعر لك جوله وصوله قوة ٍ وامداد
ترى مركزك بالقمه يابن صالح جزل وشهير
مثل سنجار ياالحمري شموخك والعطا يزداد
كسبت الناس باخلاقك حضورك بالمنابر غير
كبيرة وقفتك تشهد لك الاقراب والابعاد
يابن نصار والعلم الموثق ما يبا تكرير
كتب كاتب وسجل مصدر التقرير والاسناد
وهذي ليلة ٍ مامثلها حفل الكرام كبير
اشوف الصاله مزحومه تزيد الناس بالاعداد
تواريخ العرب تعرف ولا تقبل ترى التزوير
واقول أن الحمر ياكبر وقفتهم عزم واشداد
رجال ٍ صامله وقت المعارك تنطلق وتغير
يوم ان المراجل بين بارود ٍ وقدح ازناد
عشيره من قبيله مجدها مايلحقه تقصير
بلي قادة جيوش الفتح من وقت ٍمضا بجهاد
ياطيب الرجال اللي على نهج الجدود تسير
ولا يترك مسار الجد غير اللي تردا وحاد
عسير امجادنا تذكر ومصدر فخرنا بعسير
سراه والا تهامه موطن الابطال والاجداد
بليله عامره بالسعد والدعوات غنا الطير
الف مبروك يامشاري ويافيصل فرح واعياد
محمد الثوعي