[ذعار بن سحاب]

(حبيبي والكلام اللي تقوله ما يبل الروح)
*سنابلنا وعذبها الجفاف وشحّت يدينك
و امر العابرين بصمت..ماني للحكي مشفوح
صباح الفقد ياقلباً فقد طلة بساتينك
حبيبي من توادعنا وانا ماعاد فيني روح
بقايا انسان دمره الوداع وضاع بسنينك
تعلق في شراييني غلاك وصوتك المبحوح
واغانيك القديمة والعطر وابيض فساتينك
احبك كثر مامريت لحظاتي تجي وتروح
احبك كثر غصات الرحيل بعيني و عينك
ومر العمر ما اغراني نهاراً يستحق البوح
كتمت اسرارنا* محدن درى وش بيني وبينك
وسط روحي غفى طفل الحنين اللي مليته نوح
كبر يسأل عن ايامك ويسأل عن*عناوينك
شربت الهم و كفوف البشر ماترحم المجروح
تناسيتك...ولاتسأل عقب هذا البطا وينك*******

10/8/2019