؛
الحُــزن... معدي
والحزين يضخ السلبية في صدرك
كذلك ... عليكم التخلّص مني
الحديث ذو شجون
تذكرتُ ...(( محمد جديع العنزي))
الله يرحمه
:
صاحبي مانسيته ولا وصلت آخره
لاينسّي خليل ..... ولايهدّه زمان
:
صرت أشوفه بوجهي كيف ما اذكره
انكسرت ..وبكيته لين شفت الهوان
:
الثرى يمطر ..المر.. والسمـا مقفـرة
والظـمـا ماتضمّه لمـسـة الكهرمان
:
(ياخوي )الحكاية وش بقى نخسره
بين خيبة صديق ..وبين كبوة حصان
:
كيف أبنسى غيابه دامه الذاكرة
كيف أبهجر مكان وكان كل المكان
:
وجه أطهر من الما ( يشبه المغفره)
وجه بآخر ضياعه .. يشعرك بالامان
:
لو تمـون العواطـف تفقـد السيطـرة
وتعرف ان النتيجه تسبق الامتحان
؛
كنـت احسـب الليالـي كلهـا مقمـرة
الزمـن باتزانـه ......يقلـب الا تـزان
:
زايد