عم تلعبي بكلمات
مليانه حزن
شوفي الفرح
واقف تحت فيّ الامل
ممشوق مثل الرمح
عيونو قناديل الدرب
وجهو العتب
ناطر ع بابك , افتحي
زهقان تا تتطلعي
بلكي بصير الحلم غنيه
والشوق تا شوفك بعينيّ
بصير نهار
---
بدي تشوفك بحر
لابس عبايه تعب
غافي على شطو
وايدو على خدو
ممدود مثل بساط
من اخلاق
ما في حدا قدو
والصخر ما ردو
فات النعس عالصخر
تا نيّامو حدو
--
بدي ت شوفك حلم
ما حلمتو
صوره من خيالي
وانت غزاله شارده
ركضك مسك
ضحكك سنابل وبتموج
عيونك هدوء العاصفه
وخدك مروج
وبيجوز تا شوفك انا
بضحك على حالي
وبفوت عا حلمي
المرسوم بخيالي