*
___
لو طاح من عينك .. وبل
_ ينبت بصحراهم ورود !
ماكنت بعد الا .. قبل
_ مارحت لجل أني اعود !
من طاف عاللات وهُبل !
_ لاتسأله عن هالوجود !
يالساده " المتغطرسين "
يالقانطين - العابسين - الراكضين بـ ألف لاء
ماجيت ادوّر " عن سماء .. جيت بْيدي " غرسه وماء "
اما خذوها " بالسقي "والا اتركوها " ترتقي "
يالعابثين بكل شي ، ماشفت منكم اي تقي !
ماشفت حسان وكعب !
شفت المظاهر " والكذب "
ماجيت احيد اوتادكم ، هاللي اثبتت باوهامكم !
انا المسافة - الآنفه
ماكنت في حدّ " الزحاف "
حتى على ايديني " اخاف "
انا الشعر " وزن ومزن " !
وانا البحر " والقافية " - وانا الشجن وآخر مقامات الحزن !
وانا الصبا لامن نزل ب ارض الظبا !
وانا الـ موسيقى " والركوز " - والفكرة اللي ماتجوز !
زوجتها " المعنى " انجبت
طفلٍ وبنت " تكبلهت "