قالت سعودي وقلت ادموع عيني ياحزينه
لو عصرت اعروقها يمكن يجاوبك انكساري
وش تبين بعرق دمي ! وانتي اعروقك ثمينه
وادعيني عابره روحي وخلي لي انتظاري
وش يفيدك تسألينيه وين وش عرقه ودينه
رغم صمته كان في فحوا عيونه كان عاري
قبل ماتوقف مراسينا على بحر السفينه
قبل لايصبح مثقف من بطون الكتب قاري
كان عادي جداً وكانت تفاصيله سجينه
في قواميس الطفوله فسرت سر اعتذاري
الحيا كان اكثر اعيوبه وكان اكبر غبينه
السمات احيان منها هو سبب سر انتحاري
الخدوش الي على كفيه ماهي في يدينه
هي سبايب وقت لو كانت على باب الطواري
ادري ان الفقد موجع وادري ان الله يعينه
بس انا محتاج مدري لو انا عارف وداري