[أميرة الشعر]

انسان عادي .. ايه .. لكن تسكنك .. روح الملوك
__________________ لِذا ... أحس برهْبة الشعّار .. بحضور .. الملك


هذا مع ان اللي تخلّف " عن شرف غزوة تبوك "
_________________ يؤخذ قياس .. لْمن تخلّف عن شرف مدحه .. اِلك


لكن .. خساره مستحيل .. الشمس ياصلها مكوك
_________________ بالله .. قلي .. كيف اصيغ الحرف لجله .. ياصلك؟


ياخي احبك حب .. لايمكن .. يشيله .. لك اخوك
________________ لا . لا .. اخوك شوي .. لا . يمكن . يشيلونه .. هلك


وان لامني غيري .. وهبّت داخله ريح الشكوك
_______________ معذور .. غيري .. كون غيري .. ياعزيزي .. يجهلك


فلنفترض حسن النوايا لو خفا حسن السلوك
_______________ عاد انت .. مايحتاج اقولّك .. عن ( جماعات الكلك )


لنّك .. كذا انسان عادي .. تسكنك روح الملوك
_______________ يعني .. اكيد ان التعامل .. صعب .. مع غير الملك


خالد

اقول خالد

اقسم بالله انك بعيوني ملك


همسه / >>>>> بتسوي زي سطام
اختي مشاعل الرجال يقول قياس والقياس
والاقتباس بشرع الأدب والبلاغه جايز
و لو حط الشطربين قوسين يعتبر قياس