جيتك ألم يا صا حبي كلي أوجاع
---------------هاذي أطعوني بالحشى مستديمه
جيتك وانا من زايد الشوق ملتاع
-----------------انا شدك باسما الإله العظيمه
يلي لمست الجرح في روس الأصباع
----------------خلك علي من القلوب الرحيمه
والله ما ني لاقرب الناس سماع
-----------------أهل القلوب الحا قده والأليمه
يا عاذلي قلبي على الزين ما طاع
----------------وشلون يسلك يابشرعن نديمه
القلب غير صويحبه ماله أطماع
-----------------يا ناس خلو حكيكم والنميمه
مالوم عقلي في هوا 000لو ضاع
--------------- الحب يفتك بالعقول الحكيمه
حبه سكن بالجوف مابين الأظلاع
----------------- وعقبه حياتي مالها ذات قيمه
ياليل يالي للهواجيس جماع
-----------------هات العواقب بالنهايه سليمه
يزود خوفي منك ياليل وارتاع
---------------ياخوف قلبي ترتكب بي جريمه
امشي ورى قلبي مع الشوق منصاع
------------------ يالصبر وينك مابقابي عزيمه
ماني من احكام المقادير جـزاع
---------------- لاشك مثلي مايطيق الهزيمه
عجزت لا أقفي عن هوى زين الاطباع
------------ قبلي عجز وافي عن فراق شيمه
يالله يارازق هل القاع بالقاع
--------------- ترفق على من صار قلبه غريمه