[POEM="font="Simplified Arabic,5,white,normal,normal" bkcolor="teal" bkimage="" border="double,9,sienna" type=2 line=0 align=center use=ex num="0,black""]عمى طرف الشقى عاده هلابه والعمى حياه=أباسهر مع شقى طرفي ونجم الليل باكوره
انا من الله خلق روحي ونا جزء من المأساه=أنا من خلقتي والهم ظالمني بدستوره
أنا اللي من عمى وقته دليله ظاع في عمياه=ونا اللي حسرة الدنيا غرسها الله في زوره
ونا اللي مع طلوع الشمس أعيش الليل في ظلماه=ونا اللي ليلتي عمرٍ يشيب الروح ديجوره
نديمي هات ماعندك ألم واوهام ومعاناه= ترنم بالحشى المهجور واصرخ يشتعل نوره
دخيلك لا يطول الصمت أبي صوتٍ صداه اللآه=أباذبح بالضمى روحٍ تنوض بساق مبتوره
أنا ياصاحبي مليت من عمرٍ فقد معناه=أنا عمري بهالدنيا أشوف إنه غدى عوره
أنا قشه على عودٍ على موجة زمانه تاه= تخيل وين مرسايه ؟ نعم بالطين وبحوره[/POEM]