صباح الطهر بعيونك
وهذا العمر من دونــك ... لوجدانك
صباح الغيمه الزرقاء
ودمعه بالعيون غرقــاء ... بفقدانك
صباح الألم و جحودك
وحلم مــــات بصدودك ... بهجرانك
يا أكبر ذنب فيني ... يحتويني ...
كيف أستغفرك !!
وانتي بعيونك عجايب قدرة الخالق
كيف أستغفرك !!
وانتي ثغرك لا ابتسم يزهر به العاشق
كيف أستغفرك !!
وانا اللي فيك ميت وبهواك غارق
بعد مارحتي بعيد ..
صارت أنفاسي جليد .. وعيوني سحابه
ماكنت أهاب البعد و للأسف عضني بنـابه
علميني
كيف اتبعك !!
وانتي في شتات
كيف اجمعك !!
وعضامي رفات
كيف أوصلك !!
يا أحلى البنات
والقلب منِّك محترق
ماكان وده نفتـــــرق
( وافــتــرقنــا )
كنت أشوف الليل بحظورك عنفوان
كنت اشوف الأرض جنه وتباشير وأمان
اليوم جيت اجمع
من سوالف عمري اللي فات
رماد الحب وقلب باقي به فتات
لا ورود ولا سنابل نبات
جيتك بعين تدمع
تبكي غيابك ماقوت عقبك تبات
رمشها قبر وجفنها تابوت الممات
لا وجود ولا تباشير بحياة
اليوم جيت اجمعني
على سطور الورق
قصه حزينه على ضفاف الأرق
فوضى مشاعر .. حلم مات .. وقلب انحرق
جيتك يالذكريات الحزينه
بقلبي المجروح من فرقا ظنينه
جيتك يالذكريات الحزينه
هارب من الناس ومن قسوة سنينه
جيتك يالذكريات الحزينه
مابقى للحب مرسى في مواني هالمدينه
نــــــادم