[محمد السالم]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



لمّي شتاتي في كفوفك واحضنيه = مواطنٍ صالح يفتش عن وطن

ملّيت من كثر التلدد في الوجيه = الّي تنابذني إلى شط الحزن

يامملكة أحساس يا العُرض النزيه = خليني اتوطن فضاءك وارجهن

في خاطري شيءٍ كثيرٍ باحكيه = متحملٍ ضيمه بقلبي من زمن

التيه ؛ والحرمان ؛ والحزن الشويه = تسابقت يم الحنيا وارتمن

الحزن يحملني على راحة يديه = والتيه خيله مسرجات بلارسن

والثالث الّي كل يومٍ اللتقيه = توطنت عندي ورابعها الغبن

ذي حالتي ياهيه يالعقل النبيه = من قبل اعرفك كنت محراب المُحن

حقيقةٍ ماهو بزورٍ أدّعيه = انا المراهن وانتي بعيني رهن

سوقي جوادك للمكسح واحمليه = خليه مرة يعرف القلبه بدن

مدي له الفنجال عطفأ وسكبيه = من دلة أحساسك يغازله الشجن

ثرّي رحيقك في المكان وعطريه = ياوردةٍ رحيقها ماله ثمن

باقي كلام للمواطن اسمعيه = ان مات بأرضك حطي يدينك كفن [/POEM]