/
/
/
كم سريت بليلك الموعود شوق ولا لقيتك
كم ذبحت من النهار ومات قدامي صباحي
كم كتبتك داخل عيوني حياه ولا قريتك
كم بكى كحلي وهلت عبرته وأبكى وشاحي
كم عصيت الناس وأقهرهم واموت ولا عصيتك
وكم كسرت من المشاعر وانت كاسر لي جناحي
كم شربت الهم والضيقه كثير ولا رويتك
وكم حرثت من المواجع لين ابكتني جراحي
لا تبيع الحب والإحساس يوم اني شريتك
مالمست الحب في طوفان شوقي واجتياحي؟!
لو نسيت الموعد الغالي فديتك ما نسيتك
المشاعر وارفة يا سيدي والبال صاحي
والسؤال اللي ذبحني طول عمري ليه جيتك ؟
وانت لا ترجي مساي ولا تبي حتى صباحي !