[صالح مصلح الحربي]

.
.
.
.
.
.







جيت من قلبي يخصك ويهديك السلام

. . . . . . . . ولك عطاني وردتين ٍ وقال يشمها

وكل ماهب الهوا وزف مرسول الغمام

. . . . . . . . . . يذكر ايامي وهالوردتين يضمها

ويتلقيّ شوق وجّه مثل سرب الحمام

. . . . . . . . . . او مثل موج ٍ تعلا" وعانق يمها

يعزف الحان المحبه علي ذاك الغرام

. . . . . . . . له من اعذب هالقوافي خفيف ٍ دمها

وان هرج بي للمواجع للحّقه الملام

. . . . . . . . . . . يلعن الفرقا ويلعن بها من نمها

لي مشاريه الغلا من علي صدره وسام

. . . . . . . . . من هِنا حق ِ عليه ان تعرض ذمها

والحلا ذاك الحلا اللي رفيع ٍ بالمقام

. . . . . . . . فتنة ٍ تمشي علي الارض وامشي يمها

بين شام الخد الابيض والابيض .. وردشام

. . . . . . . . . . . .. هرجة ٍ يتمها او بعد ما يتمها

لاابتسم لون الشفق وانتشي بدر التمام

. . . . . . . . . قلت يا صبح المشارق غديت بكمها

والمسا اعذب مسا رتب أزهار الكلام

. . . . . . . . . . جبتها من قلبي اللي جمعها ولمها

والوصاه اللي عطاني وضمنها سلام

. . . . . . . . . . . نقتسم وردة هوي بيننا ونشمها



.
.
.
.
.
.