[طلال بجاد]

.
.


الشواطي ليلة البارح حزينة
ــــــ (وين راحت.؟!) أربكتني بالسؤال
مادرت إنّي تبلّيت المدينة!
ــــ (كيف راحت.؟!) (ليه راحت.؟!) ياطلااااااال!
(وينها.؟!) عمري بدَت تذبل سنينه
ــــــ (وينها.؟!) ضيقي ترا بالجوف سال
الألم .. بانت سماتي في جبينه
ــــــ الندم .. صرت أعشقه حد الخيال
العنا .. أمسيت له حسبة ضنينه
ــــــ الأنا .. ماعدت ألاقي به ظلال
والـ (طلال) بدونها زايد ونينه
ــــــ ودّه إنه يستقلّ بأي حال
مات مدري موت مدري ياثمينه
ــــــ الأكيد إني تعدّيت الزوال
صمتك أزعجني وأبيكِ لو تبينه
ــــــ بس لحظة إهجرِ الصد بـ وصال
رجّعي للبحر نكهة ياسمينه
ــــــ وإخطفيني لليقين من الضلال
عصفريني في سماكِ والمدينة
ــــــ لجل ألاقي فيك يا (روحي) طلااااااااااال