[زويد الرويلي]

اسعد الله صباحكم /مسائكم بكل ما هو جميل.


متواضعه اتمنا ان تنال على استحسانكم .

لكم الود والورد من قبل ومن بعد




البارحة دارت براسي دواليب=والحزن بي قام يترادم سحابه.


يمطر على روس الضلوع المحاديب=يما تعدى وسط صدري نصابه.


كيله طفح بالموج مثل الكلاليب=تنهب من اشلاء المعذب نهابه


وقام القلم يجرح خدود المكاتيب=يرعف على بيض الورق بالكتابه.


حبره من الشريان للمحبرة جيب=من مرتكز قلبي.....تخير زهابه.


يرتب حرفه على السطر ترتيب=مدري سطارت رأس والا ذرابه


بس الأكيد انه تربا على الطيب=وعلى الرديه ما تسايل.....لعابه.


يكتب كتاب.....وحايفاته لواهيب=
من جرح زاد الوقت..فيه التهابه!


وقت" به الحصني/تعالى على الذيب=والكلب جرب بالأسد شطر نابه.؟


وعن الوحش قامت تشوم المراكيب=وماهي غريبه لو يثمن غرابه.!


رحبت فيه ولا نفع فيه ترحيب=خليت صدري واسع" في رحابه


وجبت لاكن ما تفيد الموجيب=وقت" عجيب ومتسم بالعجابه؟


أرقبت به في نايفات المراقيب=وما رد صوتي غير صوت الربابه؟


وقت" مكركب واتعبته الكراكيب=شيك ذهاب الحجز والغى أيابه.


ما أحد يلومه لو يبين به الشيب=دام الذيابه....راح دور ...الذيابه.؟

5/11