[أحمد الحربي]

أهرب من ايديني وصمت الشبابيك
واتعثر بخوفي قبل مآصل الباب
.
.
واكذب عشان ابيك واقول مابيك
واصدق اني قلت مابيك وانساب
.
.
خلف الغياب الـ منتظر نلتقي فيك
تمطر اصابيعي قصايد للاحباب
.
.
من طين ذكرى شكّـلتني اياديك
واستنبت الموقف بزارين والعاب
.
.
ورحت اتشطين فوق سطحك واناديك :
هيّـا اتحدى تلحقيني فالاسياب
.
.
ورحنا انتسابق والوعد صدر واديك
لكن بقيت اركض تعبت اركض , وشاب ..
.
.
..طفل ٍ عشق يلبـِس حظوره هقاويك
طفل ٍ شرب معنى الخساره فالاقراب
.
.
طفل ٍ يسولفه الضياع , ويغـنّـيـك
ملامحه غربه واصابيعه اغراب
.
.
وعلى الكتابه يابعد روح مغليك
لا تابت حروفه ولاهو بعد تاب
.
.
يكتب عشان الناس تحتاج تحكيك
لـ جراحهم قبل الأمل يقفل الباب
.
.
ويصير للذكرى حمام واتاريك
وانا من عيوني إلى عيونك : كتااااااااااب

العاصف [ حسبي الله عليه ]