بسمـ الله الرحمن الرحيمـ
بمِا لهَا ومَا عَليّهْا
: : : :
[POEM="font="Simplified Arabic,5,darkblue,bold,normal" bkcolor="transparent" bkimage="./images/backgrounds/53.gif" border="double,4,royalblue" type=2 line=0 align=center use=ex num="0,black""]الفجر مقبل وجُنح الليل شدّ الرحيّل=للصبح موعد معه يجلي خيوط الظلام
رحيل ليلٍ وطيفك فيه زاير ثقيل=شدّه بفكري وناوربه حدود الغمام
يسري به ابعاد ماتحسب بكيلو وميل=ولامر بي للخوارزمي عليها كلام
تحوم به واستشف احيان منه الدليل=ماهي زيارة غلا يزور للانتقام
واحيان اشبّه فعوله مثل فعل العميل=يملك حصانه ومتعدي حدود النظام
يامر من امرك وفي يمناه حدّ الصقيل=ضرباته اللي بفكري تحدث الانقسام
اشنع من القتل تمثيلٍ بجثة قتيل=بحقوق الانسان بعد الدين حكمه حرام
شيٍ لو احكيه كله منه تطلع هبيل=ويجيك منه إكتئاب وهلوسه وانفصام
تأويله اقرب من التصديق للمستحيل=ياتي عظيم المقال بحجم كون المقام
تظن شيٍ حصلي في غيابك قليل=لو مرّ بك ربع هوله ماطرا لك ملام
والا على اقل حاله منه دمعك يسيل=وتحس به ثم تعرف قيمة الانهزام
وتصير فاهم لمعنى كان ليلٍ طويل=تدرك بعدها بما تحويه كلمة هيام
هذي هي الحال طيفك يسري اطراف ليل=حتى يجي صبح ويشتت خيوط الظلام[/POEM]
وسلامتكمـ...