[عيون الشوق]

.



[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عبرنا في مراكبنا على بحر الحياة عبور = ولا ندري وش الحيلة..وش تخبي لنا الأيام؟

وحظ ٍ صار يجبرنا وكل ٍ صار له مجبور = مصير ٍ ينكتب فوق الجبين وموعد ٍ قدام

على شفاتك تجي البسمة .. تنوّر وجهك المسرور = ونوب ٍ تلعن بحظك وتملأ وجهك الآلام

وكم نفقد من الدنيا رحيل ٍ في بقاع قبور = وهذا الدرب نمشي له...حقيقة ماهي بأوهام

سرينا في مراقدنا ونجهل مايخبي النور = وهل نصبح على الدنيا أو إنه فالمنام إعدام ؟

يابخته من قعد حظه وأصبح في الهنا مستور = وياويل اللي شكا حاله بعدها توقف الأقدام

تسابقنا خطاوينا واملنا باقيٍ له سور = نحاول نهدم اسوارة ونرسم للامل احلام[/poem]






.