[عبدالعزيز رشيد]

كثيرا فرحت بكتابتها وكثيرا كنت سأفرح بنشرها إلا أن اخوتها منعوها من النشر
,



دخيلك ياجمل احلامــــــــي أبي شوفه
..............دخيلك .. أو ابــــــــي كلمــــه تعزّيني
اساير دربك الجافــــــي مع ظْـــــروفه
.............وكن الدرب دربي يــــــــــوم يشقينــي
اشوفه يبتعد عني مع طْيـــوفـــــــــــه
...............ومن شوقي اشوف البعد بعدينـــــــي
انادي بْصوتــــي اللـي يجمع طروفه
..............يقول الصـــــوت تكفـــى لاتخلّينــــي
يبيني الصوت امشي واكتم حروفــه
..............اثاري الصوت يتمنّى يخـــاوينــــــي
يبشّرني : دروب الشـــوق مرصوفه
................وشوقي دليـــــــلٍ صــــار يهدينـــي
على هذا الأمل والنفـــس ملهوفــــه
............اتابع خطوتي والطيـــــــف حـــاديني
تعبت امشي وكنّ النفـــــس مكلوفــه
...............واذاني وْقفت شفت الشوق يخطيني
غروبٍ تتبعه شمس تبي تّشـوفـــــه
...............ودرب خافـــــيٍ ضيّـــع عناوينــــي
غريبٍ يطلب اوطانـــه وبه خوفـــه
...............اثاري الشــوق طمّاعٍ عثــى فينـــي
ويوم وْصلــت له جيت اربت كْتوفه
................واذا صوتٍ ينـــــــادي : لا تخلّيني
لقيت الواقع المنســـي ومـن جوفه
.................يمدّ الصوت : تكفى لا تجافـيني !!