[أحمد الديهان]

.










السلام عليكم ورحمة الله وبركاته ..




اعزائي الكرام ..

يسرني الأنضمام اليكم وتقبل الدعوه الكريمه ..،،




و اسمحوا لي بمضايقه أولى اتمنى ان ترتقي للذائقه ..









الاهداء لـ الضاوي ، محــمد ..،،





[POEM="font="Simplified Arabic,4,sienna,normal,normal" bkcolor="transparent" bkimage="" border="none,4,darkred" type=2 line=1 align=center use=ex num="0,black""]هلا باللي من اغيابه لذيذ النوم جافيني = إلين ان السهر فجّر في ذا العينين بركانه

هلا يا نسمة اشواقي فديتك لا تعديني = يا حيث ان الشذى خلاّ حبيبي الروح نشوانه

هلا بك يا دهن عودٍ عتيق و صار له حيني = هلا بك عود ٍ ازرق فاح يجي طيبه بدخانه

هلا بالروز واللوتس هلا بفلي ورياحيني = هلا بالدرِ والألماس والياقوت والدانه

هلا يا مختلط بالهيل تو هالليل باديني = واشوفه قام يطويني ونورك يا قمر زانه

هلا بك من بعد غيبه كثر ما شِيدت فيني = قصور امن الوله حتى ثبت ساسه وبنيانه

هقيتيني بحر هادي تجرأتي وسبحتيني = ويوم ان ثارت امواجي تركتي الروح غرقانه

واصيح اصيح يافلانه غريق وما سمعتيني = غدت بي شدّة املاحه كما المشلول بلسانه

تعب قلبي من اغيابك ونار البعد تكويني = واحاسيسي تبي تدفى تصيح تقول بردانه

ضميتك يا هنا عمري ثلاث سنين ناسيني!! = لك الله ما نسيتك لو نسى المظلوم سجّانه

وصلتي لي ومعذوره تفاجأتي وسألتيني = وانا ذاك اللي خابرته ابد ما انتي بغلطانه

انا من هام في حبك صدقتك ما صدقتيني = وذا اللي في قفص صدري حزينه نغمة الحانه

وذي يسراي شيهانه اناجيها وتناجيني = انا بأسمك اناديها ومثلي حيل تعبانه

وهذا دفتر اشعاري ، حروفه يومها تجيني = لأني فيك كاتبها تجي تختال طربانه

ولكن يوم احاسيسي تبوح بقسوة سنيني = تبدل ثوب فرحتها وتجي بثياب حزنانه

هِنا يوم ارتمى شالك بِرمش العين صبتيتي = هِنا يوم انتثر ليلك على نجلات نعسانه

وهِنا حطيت هالورده زمان اللي هديتيني = تبسّم ثغرها بشوفك بعد ماهيب ذبلانه

تعالي واسمحي لي ما قوى جسمي يمشيني = وانا لك واجبي انهض نهوضٍ عاليٍ شانه

على وضعي انا باقي مثل ما أنتي تركتيني = ولكنّ الثمر يذبل اذا ما رويت أغصانه

نحل جسمي .. شحب لوني عجز غيرك يداويني = عجز طب البلد كله يداوي روح وجعانه

وانا ادري بأنّ ذا حبك تفشى في شرايني = تمكن واستحل الخافق اللي صابه ادمانه

تعالي وانشدي قلبي تعالي وانشدي عيني = تعالي وانشدي كلي من انتم فدوة اعيانه

تعالي واسكني فيني ولو ساعه وعيشيني = تمشي في بعض مني اذا تبغين برهانه

وشوفي عرشك بقلبي وحوله لك بساتيني = دنا لك ما زرع فيها ثمر خوخه ورمانه

تعالي ليه صديتي ؟! امانه لا تخليني = شحيحه ليه في وصلي؟! وروحي منك ضميانه

تركتيني وانا ضامي وشوفك شرب يرويني = تعالي لعن ابو حي الفراق احس بجنانه

واحس اني سهم في قوس عينك وان رميتيني = فلا ودي اطيح الا وسط قلبك وميدانه

وش اللي صار ياطيري ؟! اشوفك بس تبكيني = طلبتك لا تجاملني وش اللي زعّل فلانه ؟!

وقال الطير لي يا أحمد: مادام السبق يكسيني = فلا والله احد جا لك ما غير اشواق حلمانه

غفيت وشفتك بعيني تأشر لي تناديني = صحيت ولا لقيت الا على يسراي شيهانه

دريت ان الرجا خايب سرابه كان يغريني = هقيته صافي المنبع وفاجأني بحرمانه

أبصبر عامي الرابع ، ابصبر بيني وبيني = يفرّج كربتي ربي آلاه الكون سبحانه[/POEM]

عذراً لقلوبـ كم ..،،












.

[/SIZE]