[الأماني]

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
انا اللي ما كتبت بيوت شعري مغرمه بأوزان = ولكني لقيت دموع عيني تنقش سطوره

انا اللي عشت في الدنيا اجسد صورة الحرمان =أمثل صورة الشخص السعيد وملني دوره

انا اللي خانه شعوره غرق في ثورة الطوفان =بعد ما كان في الماضي يهاب الموج وبحوره

انا اللي كنت له امه وابوه وأقرب الإخوان =أقدّر خاطره واخاف ظني يجرح شعوره

انا اللي كنت اصد الناس لا قالوا حذاري فلان =خسرت الكل لعيونه يغور العاذل بشوره ...!

انا اللي كنت احسب إنه ملاك وصورته إنسان =يخيّب ليه أمالي وانا اللي فيه مبهوره !!؟

انا ما مر في بالي وابد ما كان في الحسبان =يجيني اقرب اصحابه يهد الحب وقصوره

دلايل كذبه وغدره حملها في يده برهان =يهز بإيده البرواز طاحت منـّه الصوره ..

اقول ان الخطا وارد ولكن في كثير احيان :=احس بغلطه الشاطر عن الغفران محضوره

تصدق ما بكت عيني وكن اللي جرى ما كان=وانا اللي كنت احسب اني بعيش سنين مذعوه

انا اللي ماعرفت ابقى واجاري كذبة الخوان=وانا اللي ما عرفت ارحل واعيش بنفس مقهوره

انا اللي كنت اشوف إنه وطن يغني عن الأوطان=ولكن صار في عيوني بقايا ارض مهجوره

وهذي قصتي وياه بتركها بلا عنوان ..=لأني اذكره شاعر يهمه راي جمهوره..[/POEM]