موسم تجاعيد
طيب إذا أنى قلت لك مابااعيّد
وكل عيد أعيد بذمتى انك العيد
:
:
أسود كئيب بضحكتك صارسيّد
سلاسلك كانت دفا ماأجمل القيد
:
:
هاذى يدينى لـ آخر العمر قيّد
انا رهينك لين موسم تجاعيد
:
:
مابى انعتق منك ومابى أحيّد
عنك لو إنى منوة الحب للـ غيد
:
:
شفنى بغيابك كل ليل اتصيّد
كل النجوم قلادتك ياأتلع الجيد
:
:
بادت سنين وحضرتك ماتبيّد
باقى من ايامك جنون ومواعيد
:
:
بى دمعة فى وسط عينى تشيّد
عشان تبكى لك اذا ضاقت الإيد
:
:
سولف فديتك دافى الهرج جيّد
غطّ الكلام بملفعك عطّر البيد
:
:
اعشق جنونك فززه لا تهيّد
خل الليالى تحتفى بك أناشيد
:
:
والعيد هذا قلت لك ماباأعيّد
لن الزمن من غير وجهك تجاعيد