[سطام الصعب]

مدري اختلطت الاوراق عندك .؟
اسمي سطام الصعب
وشمالي مصلصل يادامث

يعني من مس الشمال بشي مسّني وانا اخوك
انا اللي طلع منّي هالكلام ماهو عبدالعزيز الفدغوش
ويوم قلت بكلامي تقع خلف عرعر
ماقلت المركوز
اللي هي مضارب عقاب الربع
ومضارب المحارب خالد صالح الحربي
والنعم كل النعم فيهم


يا اخ دامث الرويلي
سطام الصعب لمّا قال :
الشمال منطقة تقع خلف عرعر
كان قصده نهر الفرات
كان قصده الدوّيره
كان قصده ( المصعات )
وهذا الاسم عارفه سليمان اللي كان كلامي عنه
كان قصده شارع تل ابيض .. اللي كان سليمان ينشر نصوصه بشظايا من هالشارع هذا
يادامث
فسّرت كلام العبد الفقير لعفو ربّه مثل ماقال لك عبدالعزيز
بطريقة .!!

انا فبركت الموضوع بطريقه اشكر عليها
وصحيح ماقرأت عنهم بالصحيح البخاري
ولا الاسرائيليات يا دامث .!

(يعاتبون ربّهم وهم يدرون هالشي غلط والعياذ بالله )
الخير يخص والشر يعم

نظرتي لهم ونظرة غيري بهذا الشكل
تدري
خذ هالمثال واتمنى انّك ما تفسره تفسير ثاني

كنت اتمشى بشارع تل ابيض بسنة 2002
في راعي محل قاعد يرش الماء قدام محلّه
سحب الخرطوم وكان الخرطوم منعقد حاول يسحبّه مرّه مرّتين ثلاث
ماجا معاه
تدري شقال
اقسم بربّي سمع اذني
وان قلتها يادامث راح تقول لي كافر بطريقه مباشره

هذا الشخص ماهو شمالي
ولاينتمي لأي قبيله من الشمال للعلم فقط.


يا دامث يالبناخي
يقول فالح السويلمي

مواقف.. إيه ياكثر المواقف..والرجال.. رجال
...................... احـد يفهم على الطاير..وأحد لابد تحقن لـه


تبي احقنها لك وقول لك
من هم الناس اللي قصدهم عمّي (اطال الله في عمره)

او وش هي المنطقه اللي تقع خلف عرعر
تبي تقول هي ماتقع خلف عرعر
اقول معاك حق بس اطلعت ارتجاليه كذا
لأنّي ماتوقعت فهمك لكلامي بهذي الطريقه
وربط علاقه بين كلامي والبخاري والاسرائيلي ومدري ايش .!

ومع هذا ماراح اكتب لك اسم المنطقه
عشان الموضوع ياخذ اثاره اكثر واكثر
بس ان جهلت مقصدي هذي هي المصيبه

دامث بنهاية كلامك قلت
اتق الله في نفسك وفي عمّك

راح ارد وقول لك
حرام عليك يادامث


همسهـ,,

راح ياخذ الموضوع اكبر من حجمه
لأنّك كتبت بإسم الشمال وانت تدري الطنخه الشماليه وش هي

يمكن ما اكون متواجد بإنتظام عشان اعقّب على اي رد راح يجي من بعدي
ويمكن انّي ما عطيت موضوعك حقّه اللازم
اعذرني يادامث
والله ان مالي وقت فراغ اقابل فيه النت
بس والله لعيونك ولروحك جيت زحف

الف شكر لك يا دامث
واعذرني ان اخطيت بحقك
ولي رجعه لو طالت المدّه



سطام مخلف رجا ضاحي الصعب الكره الروسي الفدعاني العنزي