هلا أبو يوسف
1 - ما تقييمك للشعر النسائي وما نراه حالياً ؟
أبو يوسف الشعر أحساس حالة يعيشها الضمير ويصورها العقل
ويتفق الكل على ان اغراض الشعر موحده مابين غزل وهجاء ومدح ورثاء وحكمة
فهل تعتقد ان هناك ما يجعلنا نقول هذا ( شعر نسائي ) الشعر واحد لدى المرأه
والرجل الاختلاف فقط بالمفردة وهذي لا يوجب فتح باب يسمى الشعر النسائي
مدخل/
قصائد الشاعرات يعشن حالة مخاض فما كان لهن سيحفظه رحم الشعر وماكان
العكس فإلى هاوية هذا العصر ..
2- هل إستطاعت المرأة ان تنافس الرجل في هذا المجال ؟
طيب أنا بعطيك هنا نصوص شعرية ظنا مني بانها ستكون الدليل قبل القول ؟
هذه قصيدة للشاعرة ( همس العتب )
يبادلني غـلاي بنـار هجـر ٍ جمرهـا وقـاد
كثر ما أعطيه حب يزيد فـي بعـده ويجفانـي
بمقياس الغلا صرنا أنـا وصويحبـي أضـداد
تناسب بيننا عكسي.. ليا مـن جيـت خلانـي
أجيه وكلـي أشـواق وحنـان ٍ مكتسيـه وْداد
بقلب ٍ ذابت عروقه بعـد مـا طـال حرمانـي
من اللهفة على شوفه أجيـه أسابـق الميعـاد
تسابق خطوتي نبضة فؤادي ورعشـة أجفانـي
و أحاول بالكلام أرسم صور وأرسم لهـا أبعـاد
وقبل أقولها تنطـق عيونـي وتسبـق لسانـي
أسولف له عن الحب ويسولف عن فرس وشداد
يقول : الحرب كانـت بيـن جدانـك وجدانـي
و أقول أرجوك يا عمري شتاي بداخلي يـزداد
أبي ليلة غلا تنعش حشـاي و تدفـي أركانـي
أبي ساعة دفا .. ودين الوله له خافقـي سـداد
طلبتـك يابعـد عمـري علشانـي علشـانـي
أنا أترجـاه ويكـرر أنـا لـي لابـة ٍ أسيـاد
غزوكم ثم سبوكـم واسئلـي فـلان وفلنتانـي
عساهم مانسوا جيش ٍ عليهـم عـادي ٍ منقـاد
ويستطرد أنـا لـي لابـة ٍ شجعـان فرسانـي
واقول ونعـم يـا عمـري تراكـم كلكـم قيـاد
قـروم ٍ كلكـم يـا سيّـدي فرسـان شجعانـي
وركّز نظرته فيني .. يناظـر والعيـون حـداد
بعد تستهزئين بهرجتـك تشنيـن عربانـي ؟!
نسى إني بنت عمه و ألتقيه بخامـس الأجـداد
يبي يغضب علي بأي صيغه لـو هـو الجانـي
سكتْ .. وهو سكت مثلي يحسب السالفة بعنـاد
وقال أنتي بديتي الهجر ... وقلبي منّك يعانـي
تركني تنزف جروحي ولبّسنـي طعـون جـداد
شكيت ونقّـض جروحـي ولوّعنـي وبكّانـي
وسبقني يشتكي مني مثل ما هو علـى المعتـاد
أجل لو كنت جارحته أنا وش كـان سمّانـي؟!!
وهذه قصيدة للشاعره ( بنت العبيّه )
تعبي...بكفـه وانـت لحـالـك بكـفـه
مدري...التعب منك وإلا مـن شرايينـي
هزيت...فنجااااال حبـك قبـل لا اشفـه
كنك...على الواااالمه صـرت متحدينـي
ياصاحبي...لا تشـب النـااااار وتهفـه
يكفي...سهر ليلـة البـاااارح مكفينـي
مدري...من البرد وإلا صااااابنـي خفـه
احس...قلبي يترااااجف مـدري اشفينـي
احـس...شـيٍ تبعـثـر ودي الـفــه
بس...للآسف ماقوت تعمدنـي ايدينـي
شيٍ...تلعثمت اقولـه حـاااار باالشفـه
ردد...صدااااااه الخفوق وبان في حينـي
لاجيت...اقوله الـف الفيـن ابـو لفـه
اخاف...اقولـه وظنـي مـا يقديـنـي
يا...مشعلٍ في الخفـوق النارقـم طفـه
ماقصر...الوقـت كاوينـي ومشقيـنـي
حظي...مع الوقـت دايـم قاصـرٍ كفـه
يعني...ردى الحظ صاير شـي روتينـي
تكفى...مدام العمر واقـف علـى الحفـه
لاتهزني...في جفاك اطيـح مـن عينـي
حرام...شف قلبي التعبـاااان قـم ضفـه
خذني...الى ابعد مـدى غيـر عناوينـي
ارضى...الغرق في عيونك واعشق الضفه
يعني...انت قاااااااادر تموتني وتحيينـي
الله...وامآنـه وحـبٍ خالطـه عـفـه
انك...بدمـي وتسـري فـي شرايينـي
وهذه قصيدة للشاعرة ( جاذبية )
وجّهـت سجّادتـي والوجـه للقِبلـه
ودعيت له فـي غيابـه قـرّة أعيانـي
الغالـي اللـي فـلا بعـده ولا قَبلـه
الأوّلي .. ما يخاشـره الغـلا ثانـي
شهرين أرتّب كلامي له وأرتّـب لـه
أحلى القصايد عسى ترضيـه قيفانـي
حـرٍ ملكنـي بطيبـة قلبـه ونبـلـه
جيته فقيـرة حنـان وبالهـوى جانـي
يومي غرقت بهمومي مدّ لـي حبلـه
بكـف الشهامـه ولا مَـرّ وتعدّانـي
مدري متى يرتوي الخفّاق مـن وبلـه
وتزهر ورود المحبّه وسـط شريانـي
عيني عماها السهـر والكبـد مندبلـه
وقلبي تملّل واقول :إصبر على شانـي
ليلى ، بُثينـه ، وحـب الثالثـه عبلـه
يهـون عنـد الغـرام اللـي تولاّنـي
كل ما عرض في خيالي طيفه أنشب له
في كم سؤالٍ سبب ضيقي وحرمانـي
كان (الدراسـه) توافيـقٍ تقـرّب لـه
الله يسـدّد خُطـاه بـكـل ميـدانـي
وكانه لقـا مـن يحـط بكفّهـا دبلـه
جِعل السعاده نصيبه .. يـوم خلاّنـي
أكتفي بهذه الثلاث نصوص الفاخرة كجواب عن كثير من الكلااااااااام