[صلفيق الشمري]

.. أول مشاركاتي بهذا المنتدى .. / .. أتمنى أن تنال القبول

.

.

.. ماضيقت صدري نجاح المساعيد ..... والطبع مجهر يكشف المودماني

.. صح الله لسانك مثل طلة العيد ..... والعيد يلبس ثوبه الأرجواني

.. انا ادري مبارك ولد عمه سعيد ..... والكل يحسب نفسه الأصفهاني

.. ماغثني من حط نفسه ابا زيد ..... لاوالله الاَ غثني شي ثاني

.. ياهل العلوم الطيبه يالاجاويد ..... من سالف الدنيا لتالي زماني

.. الطيب عمه من وفا بالمواعيد ..... المستحي والاَ الكرم مكرماني

.. مهوب للي نافخ الكير عربيد ..... يشره اقوم لحضرته عن مكاني

.. هذاك ماتشكل عليه المناقيد ..... عادي بديهي يكشخ المكشخاني

.. والفرق واضح ماورد فيه ترديد ..... بين الذياب وفعلها والحصاني

.. لعيون من نافت ولا عذربت غيد ..... ابرتفع فوق الردى والطماني

.. لعيونها واذا نشدت الاناشيد ..... شاعر ولو قالوا بشعره أناني

.. ريميةٍ عسره على صايد الصيد ..... ماهي بسهله وبكنفها اللياني

.. مدري شعرها او نحرها او الجيد ..... كل مابها جمله مفيدة معاني

.. من شانها والبيد ماكنها بيد ..... تقصر مسافات الطريق الأماني

.. تصير روضه كل ابوها عناقيد ..... وباقصى طرفها سلوةٍ للمحاني

.. ماغيرها والعيد من اوله (عيد) ..... وهذي تباشير الفرح والتهاني

.

.

.. تقبلوا فائق تحياتي