[علي المبرد]

[POEM="font="Simplified Arabic,5,black,bold,normal" bkcolor="transparent" bkimage="" border="none,10,gray" type=2 line=0 align=center use=ex num="0,black""] أخو نوره
تحرك ساكن الشعر الجزيل وجادت القيفان= تحلق بالخيال وتزدحم في فكري شطوره
بعد ماعشت لحظات الهيام وهاضت الاشجان =واحاسيس الغلا من منبع الاحساس موفوره
وطافت في خيالي واستقرت قبلة الاوطان = بلاد المجد والتوحيد باذن الله منصـــــــوره
اليا جيت اختصر كيف اختصر بالشعر والازان =عصور الشعر ماتقدر تجيز وتوصف عصوره
شموخي من شموخك فوق هام العز لامن بان= كبيره يابلادي بالفخر مانتي بمكبــــــــــــــوره
فخرنا في زحازيح الفخر بأملوكنا الشجعان= فعل ينطح فعل ماني امجد هيكل وصـــــــــوره
ملكنا ياعسى الله يحفظه فيه الثنا يزدان = ابو متعب طويــــل اشبور محدن طاول شبوره
اليامن قام في لحظة غضب قامت معه عربان =شرارات الغضب من نـــــاظر البتاع منثوره
واليامنه رضى شفت الرضا ملحوظ بالاعيان= رهافة حسه تغذي جمــــــــيع الناس واشعوره
اخونوره اليامن ضاق في وجه الخوي مزبان= لك الله مايضام اللي لجا بحــــــماة اخو نوره
ويالله سلم الرجل الهمام اليعربي سلطان= ولي عهد المليك وعضده الايمن ونـــــاظوره
له التاريخ حافل بالمكارم كان قلت وكان= ثنينا بالفعايل من زمان ابعيـــــــــــد مخبوره
رعاك الله ياديرة هل التوحيد والقران =نوايا الشر بصدور العــــــــدا بالغل مدحوره
بلادي لك تحيات الولا والشكر والعرفان = واشوفك دايما برجالك الـــــوافين معمــــوره
صحيح اني بعيد بجو غير وشوفتك باحيان =ولكنك بقلبي مامحــــــاك البعد محفـــــــــوره

شعر/علي المبرد[/POEM]