[علي المبرد]

ا ا حبتي الكرام

اهدي اليكم هذه القصيده راجيا ان تلامس مشاعركم

وتنال اعجابكم



[POEM="font="Simplified Arabic,5,black,bold,normal" bkcolor="transparent" bkimage="" border="none,6,skyblue" type=2 line=0 align=center use=ex num="0,black""]
الشعر لاقلتـه رفاهـه وتعبيـر=اشرح هموم الذات حين اهتياجه
ماجيت اكابر فيه بين الجماهيـر=ساكن طباع ولاعشقت اللجاجـه
شاعر واحلق مثل ماحلق الطير=لامن تعلـى يستقـر اندماجـه
لاماحسدت ولاتشفيـت بالغيـر=مالي ومال اليعربـي والغواجـه
مليون حاجه يشغلـن التفاكيـر=ولاتهيت كـان عديـت حاجـه
ياكثر ماجتني وراحت مشاويـر=وناتج نتاجات المتاعب سماجـه
زرعت بدروب الامانـي نواويـر=لكن لقيت الياس يعصف عجاحه
بعض الجروح اليا تداوت بتخدير=ماكان مجدي بالتداوي علاجـه
مايرمي العاقل حجر لاورد بيـر=قد قيل ماهـذا يكـون انتهاجـه
ولاهي مزاجيه اكرام المناعيـر=محدن كسب طيب برواقة مزاجه
يضحك حجاج اللي فعل للملا خير=ماينعقد بعيـون مقبـل حجاجـه
لاشانت الدنيا وهبـت معاصيـر=بيت المعـزه مايطفـى سراجـه
عندك خبر يرميك سهم المقادير=لاجاك مرسل ماتقيـك انعراجـه
لاصرت متكبل بقيـد المعاسيـر=الله ماغيـره يجيـب انفـراجـه
سبح باسم ربك وهلل له اعصير=وقبل انبلاج الفجر والفجر ناجـه
يغنيك عن كثر التعب والمخاسير=يوم اللقا لحظات هول المواجـه

[/POEM]