إلى والدي .... وَ [ اشتقتلك ] :
يبهْ وينـك ؟!
أبيك اليوم ..
أبي حضنْك ..
أبيك تضمني بالحييييل
وتهدّي رجْفة بـ عظامي
أبي تمسحْ دموع العين
أبي تمسح على راسي
وترد تضمني بالحيييييل
يبه هذا الزمن قاسي
أياويلي أنا منّهْ
يبهْ تكفى ، أبيك اليوم
يبه وينك ..
يبه وينك ؟ !!
يبهْ عمري فدى شيبك
فدى مسباحك / ونعلك
فدى كلّك .. !
فدى روحتك للمسجد
فدى إيدينك البيضا ..!
يبهْ حضنك وحشني حيييييل
يبهْ تكفى طلبتك بس لا ترحل
يبهْ هذا الزمن أغبر
أجل نعطي ، ولا ناخذ !
وإذا خذْنا ،، أخذنا جراح !
كِذبْ هذا الزمن كلّه أنا شفته من أصحابي
من أحبابي
من اللي بالردى ردْوا عليْ طيبي
يبهْ تكفى على بنتك ولاتزعل
يبه ريمك تبي حضنك
تبيك تضمها بـ قلبك
تبي تنسى حزن هالكون
بحضورك ..
يبه أدري ،،
وليت اليوم ما أدري
غلاي بكوم
وغلا هالكون من بعدي !