أنا :
بوعبدالله وينك ؟ زعلان علي ؟ حضورك يشتكي من غيابك ؟
أنا أسفة أذا أخطيت في حقك ..
مسفر الدوسري :
شنهو عذري..
شنهو أقول؟!
أنا تلبسني ذنوبي ..
من عتابك
ويلبس حْروفي الذبول؟!
أنا حسيت اشكثر...
يابس بصوتي الكلام
عابس بصدري الحَمام
والصباح فيني ..خجول
أحلف برقة عتابك
توني أقرا هالرساله
توني أفتح باب قلبي ..
للنهار اللي بحروفك
والسما الزرقا الجميله
والجداول...والسهول
آنا آسف..
أعتذر لك.. يا الـ "حنان"
إنتي أجمل ...
من خطا لا يغتفر لو مهما كان
وآنا أجهل...
مخطي مايدري بعذره
ولا يدري,, وش يقول!!!