تشبهينك حيل لو تِصْدِقْ مرايـا
..................اشتهي بك ليل وآكلنـي سهـر
ما معاي سواك لو منتي معايـا
..............ما معاي ضفاف وأزرع لك نهر
يهتديك النور وأتصاعـد نوايـا
...............يختصرك السور وأتسلـق دهـر
صاحبك ميعاد متفحّـم هدايـا
................حابسك كفّين في هيئـة زهـر
عاشقك مفضوح والكاتم برايـا
...............بيره المخنوق بالخافـي جهـر
ماشي ٍ لطعون وعيوني ورايـا
................طالبة كتفين وأعطيتـك ظهـر
شوفي عرس الدم ما وفّر بقايـا
................الخناجر بكر وطعونـي مهـر
قدميني عـذر يغتابـك خطايـا
...............أو خذيني عفو في ساعة قهـر