يـا فاتنـة لا تسألينـي أنـا ويـن
حتى أنا اسأل مـن الضيـق وينـي
غريب ادوِّر عـن بـذور العناويـن
بـزرع ظـلال يلمِّنـي / يحتوينـي
يائس بعيني هالمطر لا نـزل طيـن
يلصق على متني النحيـل ويدينـي
عمري تناصف والمواجع شياطيـن
تهجـع نهـار وبالمسـا تعترينـي
أهـوال دنيـا ناضلتهـا شرايـيـن
وطيحات وقتـي واقفـة تحترينـي
نرمين : صدماتي عظيمات نرميـن
واللي ورثته مـن وراهـن أنينـي
جيتك غريب ٍ بأمنيـات المساكيـن
وخلفـي همـوم ٍ جايعـة تقتفينـي
نرمين باقي بـي حكـي لا تقفيـن
محتاج لـك كثـر الهـوا صدقينـي
لحظة بهذري للعمر وإسمعي زيـن
ببعثـر أوجاعـي عسـى تعذرينـي
عشرين عمري ناظـري للثلاثيـن
تبنـي تجاعيـد الزمـان بجبيـنـي
وأنا لك الله مالْمحت دمعتـي عيـن
أبكـي ودمعـي تستـره راحتينـي
عزيز لـو ضعفـي تفجَّـر براكيـن
ملامحـي ماتختلـف وإعرفيـنـي
ضيَّعت ثلـث وباقـي ٍ بـي ثلثيـن
ثلث ٍ يبـي لامـاك وثلـث ٍ يبينـي
ظلّي هنا تمـددي يـا الغـلا ليـن
ثلثـي يعانـد هالشتـات ويجينـي
كتبت لك عن غيبتي أعذار.. و الحين
خـوذي بقايـا غربتـي وإتركينـي
الله عليك
الله
ناصر
حاولت أخذ بيت أوبيتين على حده
فلم أقدر
متماسكه وكل بيت يعني قصيده
ناصر
روعه / إبداع
عذوبه
معنى ومغنى
لله درك
جوري لقلبك