العقيم اللي حياته كلها ضيـم و منـاوي
فات عمره بين أماني خاطره و العمر زايـل
زاد حزنه و المصيبه مالقى له مـن يـدواي
ينقفل بابه و عزه في طريق الحـظ مايـل
العقم عقم الحبيب اللي جفا ماعاد يـاوي
استظله من هجير الصيف و الفرقا قوايـل
مر بي عام و محبتنا كما السيـل النحـاوي
اندفق فينا سعدها و الفرح يا ناس هايـل
الحبيب اللي يغيب و يفقده قلب ٍ شفـاوي
ويش يرجي لا غدا صرح المحبه فيـه آيـل
كنت أظنه عشق عمري بيننا حب متساوي
ما دريت انه يمثل لي غرامـه و ايتحايـل
طال صمته والسكوت المر لا طوّول بلاوي
يكشف المستور .. و اذبح مابقى فيها تمايل
يا خسارة عام فيه القلب من همه شقـاوي
سبة اللي في خفوقي جرب أنواع العمايـل
كنت أحبه موت لكن قلبه امن الحب خاوي
كان حلم ٍ ماله ألا دمع عين ٍ صار سايـل
الحشا ما كنّـه ألا عـزة الحـر النـداوي
عزته ترقا ويرقى بالوفا مـا كـان طايـل
الزمن يومين يوم ٍ لك ويـوم ٍ فيـك لاوي
رغم ضحكاته وخيره .. بالعنا ماله مثايـل
العقيم اللي حياته كلها ضيـم و منـاوي
شال حمل ٍ لو وزن ماتحتمله جبال حايـل
شموخ الحربي
اتشرف بأن اصافح نصك مرة اخرى
نص اعجبني جدا سابقا
والآن زاد اعجابي به
صغتي حروفك بكل أحساس ومشاعر
صح لسانك الى أن ترضين يا شموخ
مساءك نور وبهجه