[poem=font="Traditional Arabic,7,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
وتهيجن لك جروحي والشعور المغترب عسّاس=وَلاَ حَصّل ربيع وماتت من الجدب قطعاني
(نعم) بعدك جريح (تَعْبَثْ) ابـ(فكري) يَدْ الواسواس=وليلي فيه همّي يفترش طراحة اشجاني
فقير المال (لكن) كُنْت /مُرهف/عاطفي/حَسّاس=ثري جداً بمخزون الشعور وقلبي الحاني
وزرعتك من صباي وكنتي النبته وانا الغرّاس= أساقيك الغرام وينهمر لك مزن وجداني
وكُبَرْتي (ياحبيبه) والغصن مافارق النسناس=وِمشت معنا الظروف ونَسْمِتِكْ تستعذب اغصاني
وبِدَتْ وردة جمالك تَزْدِهِرْ ويغير عقد الماس=بصدرك من يديني لاَ انْعَطَفْ خِصْرِكْ وِحَاكَاني
وِلاَ مِنّك جَلَسْتي (قُمْت) اوَشْوِش لك بكلمة راس=و اجي مفرط شعور ال(كل)عضوٍ بِكْ تِمنّاني
خدودك /شِفِّتينك/رمش عينك /قدك الميّاس=يعانقها الشعور وتحتضنها نوتة الحاني
كذا كنت الْمُرَفّه قبل ما اشرب لوعتي بالكاس=قبل (جُرْم) الوداع وقصّة المجني مع الجاني
أقول امحاك يكتبك الشعور بدفتر الإحساس=واقول انساك لكن مايغيب اسمك من ال(ساني)
(تركتي لي غلاك)( وجرح فرقاك) وخيوط الياس=وتركتيني شماته تتضح بعيون عدواني[/poem]
إغترفت الشعر من نبعه الأصيل يا عبدالله ..
لا غرابة وأنت من بيئة الشعر ..
وليلي فيه همّي يفترش طراحة اشجاني
وربي شطر عن عشرات القصائد ..صورة تختصر ليلة من ليالي الوله / العشق / الإنتظار
و اجي مفرط شعور ال(كل)عضوٍ بِكْ تِمنّاني
هنـا لخبطتني لخبطة
أساقيك الغرام وينهمر لك مزن وجداني
يا سلام , يا سلام
مزن وجداني يسعد هالبوح يا بو بسّام
قبل (جُرْم) الوداع وقصّة المجني مع الجاني
جرم الوداع .. يصلُح بإن يكون عنوان نص ..
يطول الحديث عن هذا المطر .. شطر مليء بالتراجيدا ..
واقول انساك لكن مايغيب اسمك من ال(ساني)
وهنــا المعضلة , ذكرتني بنص لي أقول فيه :
[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا تناديني تراني راحل ٍ والشوق جوع=كل ما مر بلهاتي قلت له:ياخي شبعت
ليه ما أرحل دام صدِّك كسّر أقدام الرجوع=هو بقى عندك غرام ٍ أستلذه لو رجعت .![/POEM]
وبيني وبينك لم يزل إسمها بلساني وكأنه موشوم ..
أنت وين أخذتني يا بو بسّام ..
بإختصار أنت مبدع وكفى
بناخيك
0
0
ناصر الدهمشي