[سلمان بن كسار العنزي]

[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]على ذاك الغروب اللي نثر حزنه بحد الكون = رسمت آخر معاناتي دموع وعين ولهانه

تذكرت الزمان اللي سقاه من الغمام مزون=مطر يسقي ثرى عمري وروحي منه عطشانه

ألا وينك تفك القيد وأنالك بالوعد مديون=توقدبي غرام الشوق أسير الوجد منشانه

أساير حظي العاثر بقايا جرحي المدفون=أشيل بداخلي جمره سطت بالقلب واغصانه

أناظر للزمان أشراق بعمر العاشق المفتون=واخيل بروق من غيمك لأرض (ن) منك ضميانه

أبي غيثك علي يمطر تباشير وفرح مجنون=وأبي زهر الهوى فيني ينور منك بستانه

وأبي طيفك يفل القوس وينسج في سمايه لون= تغرد له طيور الود وتنشد باعذب ألحانه

وأبي صوت النغم يصدح يداعبني طرب والحون=أغني له قصايد حب ويغني دان يادانه

وأبي نهر المشاعر سيل عذوبه فايضه بشجون=وتحمل مركب اشواقي واسافربه إلى اوطانه

وأبي موج البحر يطرد لآلىء دره المكنون=وتشوف ألماس واللؤلؤ تناثر فوق شطآنه

وأبي منه القمر يخجل إذا حبي مشى بالهون=وإذا طل بصباحاتي تصير الشمس خجلانه

وابي ليل الأسى يرحل يغادر دنيتي بسكون=وأبي فجر الأمل يفتح بعرض الكون بيبانه

وأبي أرسم لها صوره تحاكي وجهه المزيون=وإلامن جيت أقارنها بطبق الأصل غيرانه

وأبي طفل الغلا وروحي إذا فارقتها يبكون=دموع ودمها يجمد حزينن وسط شريانه

ألا وشلون أفارقها ألا وشلون ألا وشلون=وأنا قلبي حبيس الحب وقيدي عند سجانه

أنا مقدر أقاومها أنا لحساسها مرهون=أنا خسران قدامه حبيبي كاسب ارهانه[/POEM]