مواعيدي لديمـــــك معاطيش
ـــــــــــ يانزفي ونزفي مالقا شــاش
وانا البارحة مسكون بالطيش
ــــــــــ ومزروع بحْكايــات الاوباش
سواليفــهم هـــاك الدروايش
ــــــــــ تغث الحجـــر لو انها مـــاش
ولو كل منهو طــار بالـــريش
ـــــــــ غدا حر .. كان الـحر ماعاش !!
يضيق الردي من لــقمة العيش
ـــــــــ وهو لو يموت الطيب ماحاش
لو انه من حساب المداغـــيش
ـــــــــ وله في علوم الطيب مطراش
فلا قلت له من حرقتي ليـــش ؟
ـــــــــ تمرر غباك الشين يا اللاش !!
مصيبة إذا صار الرجل خيش
ــــــــ يغش العرب في لبسة قماش !!!