[إغفاءة حلم]

المنشد : محمد السلمان
أرحلي

http://www.inshad.net/files/up/8/mohammad%202006.mp3

ارحلي دامك نويتي ترحلين ..
واتركيني في معاناة السهر ..

واتركيني لليالي والسنين ..
اللي مثلي كم تعود ينتظر ..

اسمعيني كان ودك تسمعين ..
كلمتين بخاطري قبل السفر ..

حبك بقلي ترى لو تعرفين ..
باقي وياي لو غبتي دهر ..

واذكريني كان قصدك تبعدين ..
واذكري قلب لبعدك ماصبر ..

العيون تقول والقلب الحزين ..
مانبي إلا ذكرياتك والصور ..

ودعي ياعين دمعك والحنين ..
مايفيد الدمع ذا حكم القدر ..

واصبري واللي انكتب على الجبين ..
لازم نشوفه على مر العمر ..


كم تمنيتك بحالي تشفقين ..
منتظر منك ولو لمحة نظر ..

إرجعي خلي الليالي تستبين ..
لاتخليني على نار القهر ..

ارحلي دامك نويتي ترحلين ..
واتركيني في معاناة السهر ..

واتركيني لليالي والسنين ..
اللي مثلي كم تعود ينتظر ..

الصوت هنا .. دفأه يصهر