[أكرم التلاوي]

أكرم التلاوي

[poem="font="simplified arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] لا طال عُمرَك يالشقي عَمِّر بْيوت =من جيب فقري واعتلي في بْيوتك
هذا الفتات اللي سرقته ترى قوت =جوع اليتامى تِعدِمه كل قوتك
ألبس فقر ثوبي لجل تلبس بشوت =فقري عزيز وذلتك في بشوتك
وش عاد باقي " العمر كِله " وبنموت =ظنك بيفرق موت مثلي وموتك ؟
لقبر ضيْق وكلبونا نبي نفوت =نجمك يغيب وبعد ضيك خفوتك
لعبة " ورقنا " بتنتهي وتـُكشف كروت =يعني كروتي بتنكشف مع كروتك
" يونس " بَلعه الحوت يا بالع الحوت =خلـّـي السمك لافواهنا دون حوتك
دنيا حظوظ مقدره .. ارزاق .. وبخوت =بختي قوارب فقر .. بختك " يخوتك "
أرضى فقر بختي ولا أطلب " ايخوت " =وعينك تضيق ولا رضيت ابخوتك
صيفك قضيته " برد " في شط بيروت=الشطّ جالك لو تنادي بصوتك
دامك بذلت المال لــ الخوخ و التوت =تيجيك خوخه و توتتك لين بوتك
وصـــيفي قضيته حضرتي بهم مكبوت =جوع الصغار اللي شبع منه نوتك
قــلت " القناعه كنز " يا عمنا موت =قولك جميل ومير أجمل سكوتك [/poem]