آه ياويلي مـن تصاويبـك
في عيونـي بانـت أسبابـك
لِى سهيت أتم أهـاذي بـك
ولاغِفت عيني عينٍ تِسادى بك
لِى سِمعت النَّاس تهذي بـك
أحيت عروقي مِـن أطيابـك
في نِظـر عينـي أداري بـك
فوق نجم سهيـل مسحابـك
والقمر و الَّليل يوحـي بـك
والنَّسيم الجذي غنَّـى بـك
والبدر لِى لاح يسدي بـك
والوصف يجني من أصوابـك
و إنته الَّلي شاحنـي طيبـك
في فؤادي فتحـت أبوابـك
طايحـه روحـي لمطاليبـك
مغـرمٍ هـاوي وطـلاَّبـك
هايم وأبحـث وأنـادي بـك
وأندب بحسرات واعزى بك
مايشافـي غيـر تطبيـبـك
يابعد عمري مِـن أعشابـك
غِبت وإنقطعـت مواريبـك
وإنته الَّلـي همَّنـي غيابـك
أعرف إنـه سالـي قليبـك
ولا تِسطر بعد في حسابـك
ليت ما اعرفك ولا أدري بك
ولا نظرت لبسمـة عذابـك
ولا مشيت بخطـا دريبـك
ولا ريولـي قربـت ترابـك
من متى ومن كم عدَّي بـك
ما استطيع عزمٍ على غيابـك
لكـن أنـا بالله طلَّيـبـك
والَّلـذي خـلاك لأحبابـك
" الشيخ زايد بن سلطان آل نهيان ..رحمة الله "
نور..